Sa kalsada natutulog kasama ang mga magulang na namayapa na

Socrates Magnus

Salaminin natin ang panaginip ni Mylene ng Mylene_Sualog@face-book.com

Dear Professor,

Palagi kong napa­nanaginipan ang tatay at nanay ko na matagal nang namayapa.

Sa panaginip ko ay nag-uusap kami palagi na parang buhay sila.

Madalas din akong nananaginip na sa kal­sada raw kami natu­tu­log ng pamilya ko, nag­kakabit kami ng kulam­bo, tapos, maaga raw ka­ming nagigising kasi daraan daw ‘yung mga tricycle.

Nakararamdam daw ako ng hiya kasi sa kal­sada kami natutulog kung saan may tulay na malapit.

Naghihintay,

Mylene

Sa iyo Mylene,

Ang panaginip tung­kol sa mga patay na mga mahal sa buhay ay nag­sasabing may mensahe sila na gustong ipaabot sa nanaginip.

Kadalasan, kaya sila nagpapaabot ng men­sa­he ay dahil ang nana­ginip ay may tinatawag na “er­ror in life.”

Ibig sabihin, may maling nangyayari sa ka­nila na puwede ni­lang baguhin para mabu­hay sila sa kaayusan at kagan­dahan.

Kaya ang payo sa iyo ay suriin mo ang iyong sarili, kumbaga, may mali ba sa iyo?

Kung matuklasan mo na ang pagkakamali mo, sikapin mong baguhin ang buhay mo.

Nagbababala ng ka­hirapan o poverty ang na­pa­naginipan mong na­tulog kayo sa kalsada.

Gayunman, ito rin ay nagbabalita na puwe­deng mula sa kahirapan ay gu­manda na ang inyong ka­palaran, lalo na kung ma­gagawa mong lumipat sa ibang tirahan o lugar.

Minsan, simple lang ang sikreto para gumanda ang kapalaran. Ito ay nag­sasabing uma­lis ka sa malas na lugar.

May mga lugar kasi na hindi bagay sa partikular na pamilya o tao, kum­baga, ang law of com­patibility ay hindi lang applicable sa pakiki­pag­relasyon o sa love life, ito rin ay nagagamit sa mga lugar.

Kaya kapag naka­ra­ranas kayo ng kahirapan, huwag na kayong mag-atubiling maghanap ng ibang lugar na titirhan.

Hanggang sa muli, Professor Seigusmundo del Mundo