Paalala na huwag mag-isip ng mga negatibong bagay

Socrates Magnus

Salaminin natin ang panaginip ni Aiz Za ng Aiz_Za@facebook.com

Dear Professor,

Nanaginip ang pa­mangkin ko na nasaksak daw ‘yung kuya ko ng retired na pulis.

Tapos, mamamatay daw ang kuya ko ‘pag isang taong gulang na ang anak niya. Namatay daw siya dahil sa aksi­dente sa sasakyan.

Ano ang ibig sabihin nito? Sana, masagot ninyo. Maraming sala­mat!

Naghihintay,

Aiz Za

Sa iyo Aiz Za,

Ang nanaginip ay ang pamangkin mo at ang napanaginipan niya ay ang nasaksak mong kuya at ang nakasaksak ay reti­radong pulis kung saan siya ay namatay sa aksi­dente sa sasakyan.

Parang malinaw ito ng summary ng panaginip ng pamang­kin mo.

Sa mga araw na napa­naginipan ito ng pamang­kin mo, siya ay masya­dong tinatalo ng mga problema kaya siya ay na­giging negatibo at kapag ang tao ay negatibo, ang kanyang mga panaginip ay negatibo rin.

Kadalasan, ang mga panaginip ng taong nega­tibo ay walang sapat na ba­tayan at malabong mag­katotoo.

Kaya ang payo ay ang mga sumusunod:

1. Dapat ang bibig ay may kinakain o nginu­nguya. Mahirap paniwa­laan, pero ito ang kato­to­hanan na kapag ang bibig ng tao ay madalang gu­ma­law, siya ay magi­ging negatibo.

2. Gayundin, kapag ang mukha ng tao ay ha­los naka-steady, siya rin ay papasukan ng mga ne­gatibong pananaw.

3. Dagdag pa rito, ang mga labing palaging naka­sara ay mapabibilang sa mga taong negatibo.

4. Muli, maganda sa tao ay ang may nginu­ngu­yang pagkain o may ginigiling ang mga ngipin tulad ng pagkain ng mani at iba pang kutkutin.

5. Maganda rin na may tinutunaw sa bibig tulad ng tsokolate.

6. Minsan, ang ipina­payo ay kahit walang ki­nakain sa bibig basta ibu­ka ang bibig ng malaking buka na ang buong mus­cle sa mukha ay gagalaw.

7. Ang pagtingin sa mga masasayang lumang larawan ay kusang nagpa­pasaya sa mukha.

8. Maganda rin na ba­lik-balikan ang mga nara­nasan ng tao, halimbawa, kung kailan siya napahiya dahil sa kanyang sariling pagkakamali.

Ito ‘yung tulad ng na­pagkamalang asukal ang asin, ang pinto na naka­sara ay inakala na naka­bukas, kaya nauntog, ga­yundin, nadapa dahil ang tsinelas ay mali ang pag­kakasuot at iba pang per­sonal na karanasan na na­kakatawa.

Ang mga nasa itaas ay mga panlaban sa pag-atake ng negatibong pu­wersa na kapag sinunod ng tao ay hindi lang siya sasaya kundi ang mga suwerte ay maglalapitan din sa kanya.

Hanggang sa muli, Professor Seigusmundo del Mundo