Noon, mas gustong maging golfer na lang… DEREK, NATAUHAN NA PALAOS NA, BALIK-SHOWBIZ
MAKARAAN ang walong buwan na pag-iisip at pagtitimbang sa mga gusto niyang gawin sa buhay, tinanggap na rin ni Derek Ramsay ang offer ng GMA Network upang maging bahagi sa hanay ng kanilang mga maipagmamalaking talents.
Kung dati ay gusto munang luminya ni Derek sa pagiging atleta at maging magaling na golfer, ngayon ay na-realize niya na sayang ang mga oportunidad na dumarating sa kanyang showbiz career.
Hindi naman mawawala ang kanyang pagiging atleta. Anytime, puwede niyang balikan ang linyang ito.
Pero sa showbiz, mas matindi ang kompetisyon. Maraming mga bago at magagaling na artista na puwedeng pumalit sa puwesto ng mga naunang inidolong celebrities.
Si Derek ay leading man ang status. Magaling din siyang umarte at may talent sa hosting. Malaking factor na may regular TV show siya upang mapanatili ang kanyang popularidad sa masa.
Dito nagbabase ang mga advertisers sa pagkuha ng product endorsers. Kaya wise decision para kay Derek Ramsay ang pagiging aktibo niya ngayon sa telebisyon.
Comments