Malinaw ayon sa birthday... BEBOT NA CHUBBY NA NAKATAKDANG MAGKAROON NG BF SA EDAD NA 33 O 34 PATAAS

Maestro Honorio Ong

Dear Maestro,

Hindi ako masyadong maganda, medyo maliit at may pagka-chubby, kaya sa edad kong 32 ay wa­lang magkamaling man­ligaw sa akin, kaya wala pa rin akong boy­friend.

Noong nasa high school at college ako, ka­dalasan ay alalay lang ako ng mga kaibi­gan kong maga­ganda habang ma­rami sa kani­lang nanli­ligaw.

Palagi tuloy chaperon lang ang papel ko sa mga kaibigan ko. Kaya na­isipan kong sumangguni sa inyo, Maestro, upang itanong kung may pag-asa pa kaya akong mag­ka-boy­friend at maka­pag-asawa at sa halip na ako ang palaging uma­alalay ay ako naman ang aalala­yan? September 28, 1986 ang birthday ko.

Umaasa,

Ms. Libra ng San Miguel, Calumpit, Bulacan

Dear Ms. Libra,

Kung pag-ibig at pa­kikipagrelasyon ang pag-uusapan, sabi nga nila, “daig ng malandi ang ma­ganda!” Pero, hindi ko naman sinasabing “luman­di ka” at huwag nang mag­paganda, sa halip, dapat kang magpaganda at mag­pa-charming pa para mas madali mong ma-attract ang kalalakihan.

Dahil ikaw ay under sa zodiac sign na Libra, ang pinakamabuti mong ma­gagawa ngayon, lalo na at mainit ang panahon ay palagi kang maligo, araw-araw o dapat ay palagi kang mabango. Sa gan­yang paraan, mabubuhay ang signos mong Libra na may ruling planet na Venus na madaling makaaakit ng mga manliligaw na lalaki.

Dagdag pa rito, ang zo­diac sign mong Libra sa birth date na 28 o 1 (2+8 =10/ 1+0=1) ang nagsasa­bing kailangang makipag­kaibigan ka sa mga lala­king isinilang sa zodiac signs na Gemini, Aqua­rius, Aries at kapwa mo Libra, puwede rin sa Virgo na may mga birth date na 7, 16, 25, 2, 11, 20, 29, 4, 13, 22, 31, 6, 15, 24, 9, 18, 27, 3, 12, 21 at 30 kung saan darating ang takdang panahon na ang kapala­ran ay huhugot sa nasabing mga zodiac sign at birth date ng matinong lalaking makai­isang-dibdib mo at maka­kasama, habambu­hay.

Samantala, dahil lang birth date mo, tunay ngang hindi totoong wala kang appeal sa mga lalaki dahil bihira naman sa mga taong may mga birth date na 1, 10, 19 at 28, ang hindi na­kapag-aasawa.

Kumbaga, likas sa ka­nila ang may “magnetic personality” na tinataglay lalo pa nga at nagkataong Libra ang iyong zodiac sign na nagtataglay ng ruling planet na Venus.

Ibig sabihin, basta medyo magpa-“flirt” ka lang, magpaganda at pa­laging magsusuot ng ku­lay pula at dilaw, makikita mo, biglang may manlili­gaw sa iyo hanggang sa tuluyan ka ng magka-boy­friend at makapag-asawa sa takdang panahong ini­laan ng kapalaran.

Habang, ayon sa Love Calendar, kapag sinunod mo­ ang mga simpleng re­komendasyong binanggit na sa itaas, tiyak ang maga­ganap, ngayong taon ay may lalaking balingkinitan ang pangangatawan, semi-kalbo ang style ng buhok at medyo kayumanggi ang kulay ng balat ang dara­ting sa nasabing panahon, sa edad mong 33 o 34 pa­taas, magkaka-boyfriend ka na, magkakaroon ka ng ro­mantiko at masayang re­las­yon hanggang sa tulu­yan ng makapag-aasawa at mag­karoon ng simple at panghabambuhay na pa­milya.