66 atleta nalason
- V. Reyes
- Apr 8, 2019
- 1 min read
TINATAYANG 66 atleta ang naospital matapos umanong mabiktima ng hinihinalang pagkalason sa kanilang kinain sa Ormoc, Leyte nitong Sabado.
Batay sa paunang impormasyon, halos sabay-sabay na nakaranas ng pananakit ng tiyan at pagsusuka ang 66 atleta mula sa mga eskuwelahan sa Biliran na kalahok ng Eastern Visayas Regional Athletic Association (EVRAA) Meet.
Nakalabas na ng ospital ang 55 na manlalaro kahapon ng umaga habang patuloy na inoobserbahan ang 11 iba pa.
Inaalam na ng health officials sa lugar kung ang mga kinain o ininom ng mga manlalaro ang naging sanhi ng pagkalason.
Kahapon nagsimula ang anim na araw na EVRAA Meet 2019.
Comments