Motor sinalpok ng bus, 2 lasog

PATAY ang dalawang hindi pa nakikilalang sakay ng motorsiklo matapos salpukin ng pampasaherong bus sa Bgy. Buhangin, Atimonan, Quezon.

Batay sa inisyal na imbestigasyon, pasado ala-1:00 ng madaling-araw, patungong Maynila ang Bragais bus na minamaneho ni Joel Jose, nang bigla umanong sumulpot ang motor. Sumalpok ito sa unahang bahagi ng kanyang sasakyan kung saan kapwa tumilapon ang rider at angkas nito.

Nagtamo ang mga ito ng matinding pinsala sa ulo at iba’t ibang parte ng katawan.

Inaalam pa ang pagkakakilanlan ng dalawang biktima habang nakakulong na ang driver ng bus.