4 arestado sa drugs

APAT na hinihinalang sangkot sa iligal na droga ang arestado sa buy-bust opera­tion sa magkahiwalay na barangay sa Valenzuela City.

Ayon kay Valenzuela Police Chief P/Col. David Nicolas Poklay, alas-8:00 ng gabi nang unang isagawa ng mga operatiba ng SDEU sa ilalim ng pangangasiwa ni P/Maj. Jowilouei Bilaro ang buy-bust operation kontra kay Rodrigo Galang, 32, ng Bgy. Karuhatan sa P. Santia­go St., Bgy. Paso de Blas sa koordinasyon sa PDEA.

Agad sinunggaban ng mga operatiba si Galang matapos magbenta ng isang sachet ng shabu sa underco­ver police kapalit ng P300 marked money.

Narekober sa suspek ang buy-bust money, coin purse na naglalaman ng isa pang plastic sachet ng hinihinalang shabu at P100 bill.

Alas-12:30 naman ng hatinggabi nang ma­aresto rin ng mga operatiba ng SDEU sina Jerico Fernan­dez, Jonathan Azura at Jay­vee Juan sa buy-bust opera­tion sa Bgy. Gen. T. De Leon.

Ani SDEU Investigator PCpl. Catana Pamela Jay, na­kumpiska sa mga suspek ang P300 buy-bust money, isang pink coin purse na nag­la­la­man ng tatlong sachets ng hi­nihinalang shabu, P100 bill at ilang drug parapher­nalias.