Lider ng Anti-Crime Group dinukot sa hotel
Levi Gonzales
Apr 5, 2019
1 min read
PATULOY ang paghahanap sa dating lider ng Mayor’s Anti-Crime Group matapos dukutin ng mga armadong kalalakihan sa isang hotel sa Sta. Rosa, Laguna.
Base sa inisyal na ulat, alas-4:20 ng hapon habang nasa loob ng Mistro Restaurant sa Nuvali Hotel ang biktimang si Vic Allan Fajardo at kasama nitong si Ricky Atienza, nang tutukan sila saka kinaladkad palabas ng ilang armadong kalalakihan.
Agad silang isinakay sa puting van saka pinaharurot.
Ang biktima umano’y dating lider ng Anti-Crime Group na itinatag ng napaslang na si Mayor Antonio Halili ng Tanauan City, Batangas.
Posible umanong may kaugnayan sa dati nitong trabaho ang motibo sa pagdukot.
Comments