Alamin mula kay Maestro... TAKDANG KAPALARAN AT PAGKATAO NG MGA ISINILANG SA YEAR OF THE GOAT

Maestro Honorio Ong

SINASABING ang mga Kambing o Tupa ay sadyang mahilig sa si­ning, kampanteng pamu­mu­hay at gustung-gusto nila ang mga lugar na malapit sa kalikasan. Bakas din sa kanilang pag­katao ang pagiging mapagmahal, tahi­mik, mapag-isip at mahilig sa musika.

Palakaibigan, pero mahi­yain, kaya naman kadalasan kakaunti lang ang kanilang mga nagiging kaibigan, pero umasa kang ang pagkaka­ibi­gang ito ay magiging ta­pat at panghabambuhay.

Hindi kasi nang-iiwan sa ere ang mga Kambing o Tupa kung saan sa sandaling naging bahagi ka ng buhay nila, ang ugnayang ito ay ta­laga namang tine-treasure o iniingat-ingatan nila.

Sinasabi ring ibinabahagi lang nila sa kanilang matata­lik na kaibigan ang laman ng kanilang puso at pagiging sen­timental. Ang totoo nito, sadyang namimili ang Kam­bing o Tupa ng mga taong kanilang kakaibiganin at pag­kakatiwalaan sapagkat tulad ng nasabi na, kapag nagus­tuhan ka nila, 100% nilang ibibigay ang kanilang tiwala sa iyo at habambuhay na nga kayong magiging mag-best­friend.

Sa pag-ibig, sinasabing bukod sa madaling ma-in love ang mga Kambing o Tupa, sila rin ay sobrang matiisin at medyo may pagkamar­tyr sa panahong sila ay nag­­mamahal. Kaya naman kahit na may mga pag­ku­kulang o hindi ma­gandang ugali ang ka­nilang kasuyo, handa silang pagpasensiyahan ito at magsawalang-kibo na lamang.

Para sa kanya, as long as masaya siya at nagmama­hal, kahit na ano pa ang pang­yayari at negative na kata­ngian ng kanyang kasuyo ay handa niya itong hindi pan­sinin at tiisin na lang para hindi masira ang kanilang relasyon.

Dagdag pa rito, sinasabi ring ang mga Kambing o Tupa ay sobra kung mag­mahal at palagi silang nakatali o sa madaling salita ay sob­rang close sila sa kanilang pamilya at tahanan.

At dahil mapagmahal sila at maalalahanin sa ka­nilang mga mahal sa buhay, hindi nila nalilimutang alala­hanin ang mga mahahala­gang okasyon sa kanilang pamilya at tahanan, gayun­din ang mahahalagang pang­yayari na naganap sa kanila ng kanyang kasuyo o kasin­tahan.

Sa sandaling napalapit ang loob nila sa babae o la­laki, sobrang napapamahal at naa-attract sila sa kanilang nakarerelasyon kaya sa pan­samantalang paglalayo, ha­los hindi ito makayanan ng Kambing o Tupa dahil tulad ng nasabi na, sobrang emos­yunal sila at sobrang “hope­lessly romantic” kung mag­mahal.

Sinasabi ring madaling nai-in love ang Kambing o Tupa, lalo na kung ikaw ay nagtataglay ng malinis at tahimik na puso, ngunit, assertive at buo ang ka­looban ng pagkatao.

Likas namang ma­giging mapalad ang Kambing o Tupa, sa san­daling siya ay napa­paligiran ng mga taong malalakas ang loob at may strong personality.

Ang extrovert at ma­siglang pagkatao ng Kabayo ay tugmang-tugma sa tahi­mik at maramdaming Kam­bing o Tupa.

Nakatakda ring maging matalik na kaibigan ng Kam­bing o Tupa ang masa­ya­hing Kuneho dahil hindi nagkakalayo ang kanilang dam­damin, kaya naman ma­dali silang magkakaunawa­an at magkakasundo.

Katugma rin ng Kam­bing o Tupa ang maharot na Unggoy, mata­pang na Dra­gon at makasa­riling Tan­dang.

(Itutuloy)