Pagsabog sa tapat ng restoran | 2 BATA TODAS, 17 GRABE

DALAWANG bata ang patay habang 17 ang sugatan makaraang masabugan ng hinihinalang itinanim na Im­provised Explosive Device (IED) sa tapat ng isang res­toran sa Isulan, Sultan Ku­darat, kahapon.

Ayon sa ipinadalang re­port kay Army Col. Gerry Besana, tagapagsalita ng Western Mindanao Com­mand (Wesmincom) ng Armed Forces of the Philip­pines (AFP), nangyari ang pagsabog alas-3:00 ng hapon sa Bgy. Kalawag Dos.

Pinangunahan ng isang Army Lt. Fernandez, mula sa Mechanized Infantry Di­vision ang pagresponde sa blast site at agarang kinor­donan ang lugar.

Nagsasagawa na ng imbestigasyon ang Explo­sive Ordnance Division (EOD) ng pulisya at mili­tar kasabay ang pagtata­laga ng check­points sa mga lugar na po­sibleng daanan ng mga nasa likod ng pag­papasabog.