Magulang na sumakabilang buhay na

Socrates Magnus

Salaminin natin ang panaginip ni Janice ng Ja­­nice_Landra@face- book.com

Dear Professor,

Ano ang ibig sabihin ng panaginip ko, nasa ba­hay daw ako kasama ang nanay at tatay ko. Kinu­musta ko ‘yung nanay ko, tapos, nilapitan ko naman ang tatay ko na nakaupo.

Sabi ko, kumusta na, ‘tay? Sabi niya sa akin, sino ka? Ikaw ba si Jesus? Su­magot ako na si Janice ito, ‘tay! Wala naman na ka­yong anak na Jesus at ako na ang bunso ninyo! Ta­pos, inisip ko na lang na baka ‘yung binabanggit niyang Jesus ay ‘yung kina­kasama ko, kasi Jesus ang pangalan ng kinakasama ko.

Tapos, maya-maya ay tinawag ako ng ate ko na nasa kabilang bahay. Ang sabi ng ate ko, tawagan mo nga ako sa telepono? Kaya agad akong tumawag, pero hindi ako maka-dial. Tat­long beses ko nang sinubu­kang mag-dial, pero hindi ko maga­wa. Tapos, sabi ko sa nanay ko, next time, pa­kisulat ‘yung numero sa kalen­daryo para makita ko.

Ano ang mensahe ng aking panaginip?

Maraming salamat!

Naghihintay,

Janice

Sa iyo Janice,

Una, kumusta ang kina­ka­sama mo? Sana nasa ma­buti siyang kalagayan.

Pangalawa, bunso ka kaya mahal na mahal ka ng mga magulang mo at dahil mahal na mahal ka nila, si­yempre, ang gusto nila ay ang maging maayos ang bu­hay mo. Ang totoo nga, noong sanggol ka pa lang habang ikaw ay kanilang pi­nagma­masdan, masasa­la­min na ang pangarap nila sa iyo ay ang magkaroon ka ng buhay na maganda.

Pero ngayon, ayon sa iyo ay may kinakasama ka kaya ang ibig sabihin, hindi ka ka­sal at ang iyong pakikipagre­lasyon, aminin mo man o hin­di ay maling nangyari sa buhay mo.

Kaya lang nand’yan na ‘yan, kumbaga, okay na rin dahil hindi naman maibaba­lik ang orasyon ng buhay .

Pero, kung magagawa mong maiayos ang iyong kinabukasan, ang tatay at na­nay mo na nasa kabilang bu­hay na ay matutuwa dahil ang pinangarap nila sa iyo noon pa man na maging ma­ganda ang buhay mo ay pu­wede pa ring magkaroon ng katuparan.

Mag-ipon ka para sa iyong kinabukasan, huwag kang umasa na habambuhay ay aalayan ka ng iyong kina­kasama, lalo na kung nagka­taong siya ay mas matanda sa iyo, ibig sabihin, kung hin­di mo paghahanda­an ang future mo ay hindi ma­­pa­panatag ang kaluluwa ng mga magulang mo kung saanman sila naroroon nga­yon.

Hanggang sa muli,

Professor Seigusmundo del Mundo