Bigtime pusher huli sa mall

NAPASAKAMAY ng PDEA Cavite at Dasmari­ñas Police ang tinaguriang bigtime tulak ng nasabing lalawigan sa buy-bust ope­ration sa isang parking lot ng kilalang mall sa Cavite, kamakalawa ng gabi.

Kinilala ni Police Supt. Nerwin Ricohermoso, ang nadakip na si Arnold Pangan, 43, residente ng Bgy. Datu Esmael, Dasmariñas City, Cavite.

Alas-6:30 ng gabi nang isagawa ang buy-bust ope­ration sa parking area ng mall kung saan isang PDEA mem­ber ang nakipag-deal sa suspek.

Hindi na ito nakapalag nang paligiran ng mga aw­toridad at nagpositibo ang drug-bust.

Nakuha sa suspek ang mahigit 200 gramo ng shabu na aabot sa halagang P1,360,000 at buy-bust money.

Nabatid na may ilang araw ding isinailalim sa sur­veillance ang suspek bago na i-deal sa nasabing drug-bust.