Bebot inabuso ng basurero

KULONG ang isang basurero matapos irek­lamo ng pangmomoles­tiya sa babae na napa­daan sa kanyang harapan sa Valenzuela City, kahapon ng umaga.

Kinilala ang suspek na si Albert Agodo, 40, ng Bgy. Veinte Reales, na nahaharap sa kasong acts of lasciviousness.

Sa ulat ng Valen­zue­la City Police Women's and Children’s Protection Desk (WDPC), alas-7:49 ng umaga, nagsusunog umano ng kawad ng kuryente upang maging tanso si Agodo nang mapansin nito ang pagdaan ng biktimang si “Madona”, 25, office staff, sa kanyang harapan.

Sinapian umano ng makamundong pagna­nasa ang suspek nang maamoy ang dalaga kaya bigla na lamang nitong hinawakan ang maselang bahagi ng biktima.

Nagawang maitulak ng biktima ang suspek at nagtatakbo hanggang sa makahingi ng tulong sa mga barangay tanod na nagresulta sa pagkaka­dakip sa suspek.