Ama at madrasta huli rin | PULIS TULAK, KULONG

ARESTADO ang mi­yembro ng Philippine Na­tional Police (PNP), gayun­din ang kanyang ama at madrasta nang mahuli sa aktong nagbebenta ng iligal na droga sa Bgy. Pasong Tamo, Quezon City.

Kinilala ni Quezon City Police District Director Brigadier General Jo­selito Esquivel, Jr., ang mga suspek na sina Patrolman Darryl Galendez alyas Dary Pulis, 25; kanyang amang si Daniel Galendez, 50, at ma­d­rastang si Estella Alfonso, 36.

Una nang nakatanggap ng impormasyon ang Talipa­pa Police Station sa Quezon City tungkol sa pagkaka­sang­kot umano ng pulis at ng ama nito sa pagtutulak ng iligal na droga.

Agad na ikinasa ang sur­veillance at nang makum­pirma ang iligal na aktibidad ng mag-ama ay isinagawa na ang buy-bust operation alas-10:30 ng Martes ng gabi sa bahay ng matandang Galen­dez. Patuloy namang tinu­tugis ang isang alyas Balawis na sinasabing kasabwat ng mga suspek.

Nasamsam mula sa mga suspek ang pitong sachets ng hinihinalang shabu, isang hindi lisensiyadong kalibre .45 pistola na may pitong bala, apat na cellular phones at P200 buy-bust money.

Nabatid na ang batang Ga­lendez ay pumasok la­mang sa police service noong 2017 at naitalaga sa Police Community Precinct 2 ng Ma­labon City Police Sta­tion. Dati naman uma­nong tulak ng shabu si Alfonso at nakulong na pero, nang ma­kalaya ay bumalik ulit sa iligal na ga­wain.

Kinumpirma naman ng ilang barangay officials sa lugar na ginagamit umano ng mga suspek ang kanilang bilyaran bilang front sa pag­bebenta ng shabu. Aminado naman umano ang pulis na batid niyang gu­magamit ng iligal na droga ang ama ngunit, kahit hini­hikayat niya itong tumigil na ay hindi ito sumusunod sa kanya.