UY, TOPS ATHLETE OF THE MONTH; ALVAREZ AT AGUILAR SA FORUM

ITINANGHAL na TOPS “Athlete of the Month” sa buwan ng Marso si pole vault super­star Natalie Uy nang maes­tablisa niya ang bagong Philippine record nitong katatapos na 2019 Ayala Philippine Athletics Cham­pionship sa Ilagan, Isabela.

Pinakabagong darling sensation ang 24-anyos na Filipino-American Uy nang makagawa ng ba­gong national women’s pole vault record noong Marso 5.

Nalundag ni Uy, kung saan ang kanyang ama na mula sa Cebu ang 4.12 meters sa una niyang pag­subok na sumira sa record ni Deborah Samson na 11-taon niyang hinawakan, 4.11m.

Sapat na ang record-breaking feat para sa gold medal sa nalalapit na 30th Southeast Asian (SEA) Games mula sa itinala noong 2017 ni Kuala Lum­pur gold medalist Cha­yanesa Chomchuendee ng Thailand na mayroon la­mang 4.10m.

“Natalie’s success is a welcome news for Philip­pine sports, which need new heroes in time for the coming SEA Games late this year,” ayon sa Tab­loid Organization in Philippine Sports (TOPS).

Si Uy ang tanging ikat­long Pinoy athlete na ki­nilala ng TOPS kasunod nina world boxing cham­pion Manny Pacquiao (Enero) at swimming sen­sation Jasmine Mojdeh (Pebrero).

Samantala, panauhin sina Manny Lopez at Ali Atienza, dalawa sa mga naging sports leaders na naging public servants, sa 17th TOPS “Usapang Sports” bukas, Huwebes, Abril 4 sa National Press Club sa Intramuros, Ma­nila.

Dadalo rin sina dating Catanduanes VG at sports patron Bong Joson Teves at PBA legend Bong Al­varez sa 10 a.m. session na suportado ng Philippine Sports Commission at ng NPC na palagiang live sa Facebook via Glitter live­stream.

Darating din sa forum si Universal Reality Com­bat Championship (UR­CC) founder Alvin Agui­lar at iba pang top fighters na babanat sa “URCC Global: Raw Fury” event sa Okada Manila sa Abril 27.

Tatalakayin ni Lopez, dating pangulo ng Ama­­teur Boxing Association of the Philippines (ABAP) at 2012 London Olympics chef de mission, ang tsan­sa ng bansa sa nalalapit na 30th Southeast Asian Games maging ang kan­yang planong palakasin ang sports at imulat sa palakasan ang kanyang nasasakupan. Ang TOPS ay binubuo ng sports editors, reporters at photographers mula sa mga pangunahing tab­loids sa bansa.