Truck drivers, hinihiritan ng P50 | KOTONG COP, TIKLO

NAKIPAGHABULAN pa sa mga tauhan ng Manila Police District (MPD) ang isang pulis ng Northern Po­lice District (NPD) na sang­kot umano sa pangongotong ng ‘parking fees’ sa mga truck driver, bago tuluyang naaresto kahapon ng umaga sa Tondo, Manila.

Nakadetine sa Manila Police District-General As­signment and Investigation Section ang suspek na si Pat­rolman Arnel Pastrana Agus­tin, 35, residente ng Tondo at nakatalaga sa NPD-Traf­fic Enforcement Unit.

Nakorner ang suspek ng mga miyembro ng Manila District Traffic Enforcement Unit sa Road 10, alas-7:00 ng umaga.

Ayon kay Police Corpo­ral Jed Magat, ipinaalam umano ng truck driver na si Rico Aleon na sila ay pinun­tahan ng suspek na inakala nilang pulis-Maynila at ku­molekta ng P50 upang pa­yagan na makapanatili sa lugar kung saan nagalit pa umano ang suspek sa P50 na ibinigay dahil hindi na umano uso ang P50 ngayon pero, tinanggap din ng suspek.

Nagkataon na nakita ni Magat at kanyang kasama na si Police Corporal John Patrick Caranguian, si Agus­tin na nasa lugar pa at na­kasuot ng uniporme at nang lapitan para sitahin, sinabi nito na iihi lamang siya ka­sunod noon ay bigla itong tu­makbo.

Hinabol umano nila ang suspek hanggang sa makor­ner at mahuli kung saan na­kumpiska ang isang .45 ka­libre na may walong bala at isang butterfly knife.

Nabatid na ang suspek ay inirereklamo sa pango­ngotong sa mga truck driver sa lugar at ayon kay Police Staff Sergeant Kaiser Mija­res, ang suspek ay una nang na-dismiss sa serbisyo pero, nakabalik noong 2013.

Nagpapakilala umano itong miyembro ng MPD at may tatlong taon nang na­ngo­ngotong sa lugar at naka-duty nang muling mango­tong. Samantala, pinayuhan naman ni MPD District Di­rector Police Brigadier Ge­neral Vicente Danao, Jr. ang pulis na hu­wag munang mag­piyansa habang siya ang director ng MPD.