Seaman, tumalon mula 15th flr. ng condo, lasog

NAGKALASUG-LASOG at basag ang bungo ng seaman na pinaniniwalaang nagpatiwakal at tumalon mula ika-15 palapag ng condominium sa Quezon City.

Kinilala ng Criminal Investigation and Detection Unit (CIDU) ng Quezon City Police District (QCPD) ang nasawi na si Alex Daruca Alota, 53, tubong Cebu at Eastwood Parkview Tower-1, Bgy. Bagumbayan.

Sa salaysay ng mga saksing tenant sa condo na sina Jeannete at Alain, naglalakad sila sa playground alas-7:45 ng Lunes ng gabi nang makarinig ng kalabog.

Nang kanilang usisain, bumungad ang lasug-lasog na katawan ng biktima kaya agad silang humingi ng saklolo sa mga guwardiya ng nasabing tower na siya namang nagsumbong sa pulisya.

Tumanggi ang kapatid na babae ni Alota na paimbestigahan pa ang naturang insidente.

Kumbinsido ang mga kaanak ni Alota na nagpatiwakal ito dahil sa iniwang suicide note.