Gov‘t. employees nag-o-online games, nanonood ng movie etc. — CSC | GADGET, BAWAL!

NAIS ni Civil Service Commissioner Aileen Lizada na maipagbawal na ang paggamit ng cellular phone at iba pang gadget sa mga empleyado ng pamahalaan na maituturing na nasa front­liner.

Ibinatay ni Lizada ang kanyang panukala sa resulta ng isinagawa nitong mga sorpresang pagbisita sa ilang ahensiya ng gobyerno kung saan may ilang tauhan ng gobyerno ang nahuling nag­lalaro ng online games o na­nonood ng pelikula gamit ang mobile phone.

Aminado si Lizada na sa ngayon ay walang umiiral na polisiya tungkol sa pagbaba­wal sa paggamit ng cell­phone ng mga frontliner ng gobyerno o ang mga huma­harap at direktang nagbibi­gay ng serbisyo sa publiko, maliban na lang kung may internal policy sa bawat de­partamento.

Ito aniya ang kanyang nais ipursige sa CSC para ma­kapagtakda ng mga pa­nun­tunan kaugnay sa pag­gamit ng cellphone at gad­gets habang nasa trabaho sa gobyerno.

Muli ay nagpaalala si Lizada sa mga kawani ng pamahalaan na maging res­ponsable at gawin ang ka­nilang trabaho dahil pina­susuweldo sila nang maayos ng taumbayan.