Kaugnay sa sunog na ikinamatay ng 74 noong 2001 | EX-QC OFFICIALS, MANOR HOTEL EXECS., 30 YRS. KULON

HINATULAN ng San­diganbayan 7th Division na guilty sa tatlong bilang ng kasong katiwalian ang ilang mga dating opisyal ng Que­zon City, gayundin ng Ma­nor Hotel kaugnay sa na­ganap na sunog noong 2001.

Pagkakapiit ng anim hanggang 10 taon bawat kaso ang ipinataw kina dating City Engineer Alfredo Macapu­gay at Electrical Division Chief Romeo Montallana ng Quezon City Engineering Office.

Natukoy din na guilty beyond reasonable doubt sina Engineer Romualdo Santos, Inspector Gerardo Villaseñor, Inspector Rodel Mesa; ang mga may-ari at incorporator ng Manor Hotel na sina William Ge­nato, Rebecca Genato, Ma­rion Fernandez at Dionisio Agen­gino at ang hotel mana­ger na si Candelara Araña­dor.

Binigyang-diin ng anti-graft court na itinuloy ang operasyon ng hotel sa kabila ng mga natukoy na structural at safety violations noong 1999 hanggang sa mangyari ang sunog noong gabi ng Agosto 18, 2001.

Aabot sa 74 katao ang namatay habang marami ang nasugatan sa nasabing sunog.

Pinatawan din ng per­petual disqualification sa paghawak ng anumang po­sisyon sa gobyerno at hindi pagbibigay ng retirement benefits ng mga dating opis­yal ng gobyerno.

Patuloy pa ring pinagha­hanap ang co-owner ng ho­tel na si Antonio Beltran habang pumanaw na si Por­firio Germina bago pa ma­ibaba ng korte ang hatol nito.

Kabilang sa mga binig­yang-diin ng Sandiganbayan sa desisyon nito ang limi­tadong electrical supply sa hotel, walang smoke detec­tion at water sprinkling sys­tem, kakulangan sa fire alarm system na gumising sana noon sa mga kustomer, ka­kulangan ng fire drill sa mga empleyado, hindi ma­pasok na fire exits at ang pag­lalagay ng mga bakal na grill kaya hindi agad nakalabas ang mga bisita na gustong tuma­kas mula sa nasusunog na gusali.