Kalikasan ni: John Rey S. Reonico

What's IN, ka-Bulgar

Kalikasan ay regalo

mula sa kalangitan,

pero, unti-unting

nawasak dahil sa ating

kalabisan.

Kaya perhuwisyong

dala ng sakuna’t kalamidad

nadaragdagan kada taon

na parang edad.

Ang dating dalisay na

ilog ngayon ay putik na,

nagtataasang gusali

‘yung mga dating gubat

at bukid pa,

buhay sa dagat

minitsahan ng dinamita,

mga bundok pinapatag

ngayon ‘di na makita.

Isangkatutak na

basurang maaaring

pagmulan,

ng malawakang

pagbaha kaagad dulot

ng kaunting pag-ulan,

sunud-sunod na

pagbagyo kahit saan

may polusyon,

matinding tagtuyot,

malakas na lindol wala

na bang paraan at

solusyon?

Hindi ba ninyo pansin

na dahil sa patuloy na

paninira at pananagasa,

hampas ng kalamidad

ay patuloy sa

pananalasa?

Baka dumating ‘yung

puntong huli na, wala na

tayong ibang malikasan

dahil naabuso at nasira

na nang tuluyan si Inang

Kalikasan.

Magandang araw, mga bes! ‘Wag nang magpahuli sa trend at i-share na ang inyong #Hugot at i-con­fess mo na, bes ang matagal mo nang gustong aminin sa bagong column ng BULGAR na WHAT’S IN, KA­-BULGAR? Ito na ang perfect timing para ma-publish ang laman ng inyong dam­da­min kaya mag-send na ng personal message sa aming official Face­book page – www.facebook.com/BULGAR.OFFICIAL. Hihintayin namin ang PM n’yo, mga bes, hindi ‘yung puro kayo na lang ang naghihintay sa wala. Char!