PAGTUPAD SA TUNGKULIN NG SPORTS COMMISH SA SEAG, INAASAHAN

UPANG mas maging epektibo at maayos na mapaglingkuran at ma­bigyan ng sapat na pa­nahon at atensiyon ang mga national athletes na naghahanda sa darating na Southeast Asian Games, binigyan ni Phi­lippine Sports Com­mis­sion Chairman William Ramirez ng kani-kan­yang tungkulin at res­ponsibilidad sina Com­missioners Celia Kiram, Ramon Fernandez, Ar­nold Agustin at Charles Maxey.

“As collegial body in sports, we have to work as a team and share the same responsibility ta­king care and providing all the needs of the athletes in their prepa­ration for the SEA Games within their ju­risdiction. It is more prudent and effective to do this kind of arrange­ment,” sabi ni Ramirez.

Nasa pangangasiwa ni Kiram ang lawn ten­nis, badminton, squash, soft tennis, ice hockey, skating, dance sports, gymnastics, canoe-ka­yak, triathlon at women in sports.

Kay Fernandez ang elite sports at sports activities sa Visayas at kay Maxey ang sports activities sa Mindanao kasama ang Arafura Games na ginagawa sa Darwin sa Australia kung saan laging ina­anyayahan ang mga atletang Pinoy at kay Agustin ang bocce, athletics, swimming, table tennis at goal ball bukod sa differently-abled sports. Bilang engineer at pioneer sa PSC, nasa pangangasiwa at pa­ngangalaga din ni Agus­tin ang mga pasilidad sa makasaysayang Rizal Memorial Sports Com­plex na itinayo noong pre-war 1934.

“I delegated Com. Agustin as caretaker of the sports facilities sim­ply because he is an “old hand” and a pioneer in the PSC. He knows the job being his expertise,” paliwanag ni Ramirez. Binigyan ang apat na Commissioners ng res­ponsibilidad upang ma­laman ang mga sulira­ning kinakaharap ng iba’t-ibang National Sports Associations. Ang lawn tennis ay nasa bagong pamunuan ni Atty. Tony Cabletas na pinalitan si Edwin Oli­varez.