May kasamang lalaki at bata na hindi kilala

Socrates Magnus

Salaminin natin ang pa­naginip ni Nicole ng Jacob_ Nicole_Leones@facebook. com

Dear Professor,

Ano ang ibig sabihin ng panaginip ko na may ka­sama raw akong ibang lalaki, pero hindi ko kilala, tapos, bata, namamasyal kami at minsan ay parang naghahalikan.

Tatlong beses na akong naka­panaginip na may ka­sama akong ibang lalaki.

Naghihintay,

Nicole

Sa iyo Nicole,

Malinaw na malinaw sa panaginip mo na sa future ay may makarerelasyon ka na ang gusto mo ay palagi mong kasama, gayundin siya sa iyo.

Palatandaan ito na sa kasalukuyan ay hindi ma­ganda ang love life mo o wala kang buhay-pag-ibig.

Nagbababala rin ang panaginip mo na mai-in love ka sa bata, pero babala lang naman ito.

Ito rin ay masuwerteng balita kung nagkataong gus­to mong maranasan na bata ang iyong makarelasyon, kumbaga, puwedeng mag­ka­totoo sa buhay mo ang kasabihang “age does not matter in love”.

Oo, parang tama ang ganitong kasabihan na sa pagmamahalan, walang ma­tanda o bata dahil may isa pang sikat na kasabihan para sa mga in love, ito ay “all is fair in war and in love.”

Pero, dapat mong mau­nawaan na tama lang ‘yan sa pagmamahalan, ngunit, ma­dalas mali ‘yan sa lara­ngan ng pag-aasawa .

Kumbaga, iba ang mar­riage sa simpleng pagma­­ma­halan lang. Medyo mahirap makuha o maunawaan, su­balit, ito ay dapat mo pa ring malaman.

Hanggang sa muli, Professor Seigusmundo del Mundo