Problemado sa pamilya, bebot nagbigti

PATAY na nang datnan ng kanyang mga kaanak ang 24-anyos na babae matapos magbigti sa loob ng inuupa­hang kuwarto, kamakalawa ng gabi sa Sta. Cruz, Manila.

Kinilala ni PS/Sgt. Den­nis Suba ang biktimang si Jonafe Masucol, 24, ng Sta. Cruz, Manila.

Alas-6:15 ng gabi nang matagpuang nakabigti ang bik­tima malapit sa banyo ng inuupahang kuwarto na nasa ikalawang palapag ng bahay.

Huling nakitang buhay ang biktima, alas- 3:00 ng hapon.

Ayon kay Well Rose Mon­temayor, ipinagtapat umano sa kanya ng biktima na may problema ito sa kanyang pamilya.

Sinabi naman ni An­thony Reverza na nagkaroon sila ng hindi pagkakauna­waan ng biktima matapos nitong masu­nog ang pinag­bentahan ng kanilang mga produkto nang magpunta ito sa Ilocos.