MWSS, pinakikilos | MULTA VS. MANILA WATER SA KRISIS SA TUBIG

MAYORYA sa Board of Trustees ng Metropolitan Waterworks and Sewerage System (MWSS) ang nag­sulong ng Resolution No. 2019-052 na nag-aatas sa MWSS Regulatory Office (RO) na pag-aralan ang ipa­pataw na multa sa Manila Water at ang pagsususpinde sa pagtaas ng water rates kasunod ng water shortage.

Ito ang naging pagpa­pahayag nina MWSS Chair­man Franklin Demontever­de at Administrator Rey­naldo Velasco bilang mga MWSS Board na umakto sa rekomendasyon ng Conces­sion Monitoring Committee na atasan ang RO para suriin ang karampatang-parusa na ipapataw sa Manila Water ka­ugnay sa kanilang naging ka­biguan na maisagawa ang Article 10.4 ng concession agreement.

Inatasan din ang RO na magsumite ng kanilang re­komendasyon batay sa ma­katotohanan at legal basis sa kanilang panukala.

Matatandaang, nitong nakalipas na linggo ay na­ihayag ni Velasco ang kan­yang pansariling pananaw, na ang Manila Water ay ka­ilangang magsagawa ng re­lief and public contrition sa pa­mamagitan ng self-imposed penalty para masulitan ang mga tao na dumanas ng pa­hirap mula sa epekto ng ka­walan ng tubig.

Umapela naman nitong nakaraang Miyerkules sina MWCI Chairman Fernando Zobel de Ayala at Vice Chair­man Jaime Augusto Zobel de Ayala sa mga cus­tomer ng private conces­sionaire para sa pasensiya at pagpa­pa­uman­hin sa dinanas na water ser­vice interrup­tion.