Malinaw ayon sa birthday... LALAKING NAKATAKDANG SUWERTEHIN SA PAGBABARKO

Maestro Honorio Ong

Dear Maestro,

Tawagin na lang ninyo akong Sam, nag-a-apply ako ngayon sa barko, pero hindi pa ako tinatawagan ng agency ko at puro pangako lang ang nangyayari.

Kaya nais kong malaman kung matutuloy pa kaya ako?

‘Yung iba kong mga ka­sama ay nakakadalawang balik na, samantalang, ako ni isa ay hindi pa nakasasampa.

Ano ang dapat kong gawin, para suwertehin ako sa pag­babarko? August 10, 1992 ang birthday ko.

Umaasa,

Sam ng San Roque, Guagua, Pampanga

Dear Sam,

Madali lang para matuloy ka na sa pagbabarko, ang una mong gawin ay baguhin mo ang iyong lagda kung saan na­pansin mo ba ang huling stroke o ending ng iyong lagda na bukod sa magulo ay pababa pa?

Hindi maganda ang ipinahi­hiwatig ng ganyang pirma, sa halip, ang dapat mong gawin ay tapusin mo nang pataas sa di­reksiyong pakanan ang huling stroke o pinakapaa ng letrang “a” sa dulong bahagi ng iyong lagda. Sa ganyang paraan, ka­pag binago mo na ang iyong lagda, makikita at mararamda­man mo, kusa ng papa­bor sa iyo ang magagandang ka­palaran na matagal mo ng ina­asam-asam.

Samantala, ang birth date mong 10 o 1 (1+0=1) sa zodiac sign na Leo ay nagsasabing nu­merong uno o one talaga ang namamayani sa iyong perso­nalidad, ibig sabihin, sa sanda­ling binago at pinaganda mo na ang iyong lagda, may mabunga at mabiyayang pangingibang-bansang itatala sa iyong kapa­laran.

Ibig sabihin, dahil one (1) ang birth date mo at ang zodiac sign na Leo ay may ruling planet na Sun at one (1) rin ang kan­yang numero, nangangahulu­gan lamang na ang lahat ng sad­lakang pangyayari at kapalaran ng numerong one (1) ay tala­gang mangyayari sa iyong ka­ranasan at kapalaran.

Kaya mula sa araw na ito, sa sandaling isinuot at ginamit mo ang mapalad na kulay para sa mga taong one (1) na kulay yellow o dilaw na siya ring ku­lay ng Haring Araw, tulad sa umagang kay ganda, magni­ningning na rin ng ubod ng li­wanag ang iyong kapalaran.

Bukod sa pagsusuot ng ku­lay dilaw, secondary color mo naman ang berde habang si­lang mga numero na naiimpluwen­siyahan ng planetang Moon na nagtataglay ng birth date o mga destiny number na 7, 16, 25, 2, 11, 20 at 29 ay mga nilalang na pa­laging magbibigay sa iyo ng dagdag pang suwerte at maga­gandang kapalaran.

Ibig sabihin, kapag ang Sun personality tulad mo ay nag­karoon ng ka-partner na Moon personality, tunay ngang ha­bambuhay na hindi mawa­wa­lan ng liwanag at mga pag­pa­pala ang inyong samahan.

Samantala, bukod sa mga taong may mga birth date at mga destiny number na 7, 16, 25, 2, 11, at 20, mapalad ka rin sa mga nilalang na nagtataglay ng zodiac signs na Aries, Sagitta­rius, Aquarius at kapwa mo Leo.

Sa sandaling sinunod mo ang mga simpleng rekomen­dasyong inilahad na sa itaas, tiyak ang magaganap, ngayong 2019, sa buwan ng Hulyo o kaya ay Agosto, sa edad mong 28 pataas, may mabunga at ma­saganang pagbabarkong itatala sa iyong karanasan.