Mag-ina binaril ng nakamotor

TODAS ang 49-anyos na ginang habang sugatan ang kanyang anak na lalaki makaraang barilin habang namimili kahapon ng ma­da­ling-araw sa Tondo, Ma­nila.

Dead-on-the-spot si Merly Rabanera, vendor at presidente ng Avenida Com­pound Neighborhood Asso­ciation, sanhi ng tama ng bala sa batok.

Ginagamot naman sa Jose Reyes Memorial Medi­cal Center (JRMMC) ang anak nitong si Christian, 19, sanhi ng tama ng bala sa likurang bahagi ng katawan.

Batay sa imbestigasyon ni PS/Sgt. Lester Evange­lista, alas-2:00 ng madaling-araw nang mangyari ang krimen.

Sa impormasyong naku­ha sa ilang nakasaksi, nag­makaawa pa umano si Chris­tian sa gunman bago sila barilin habang yakap ang kanyang ina.

Hinala ng pulisya, si Merly lamang ang target ng suspek.

Nalaman na pagkabaril sa mag-ina ay nataranta ang suspek at hindi na nito na­gawang makabalik sa kan­yang motorsiklo na naiwan sa lugar nang tumakas.

Tinitingnang anggulo ng pulisya bilang motibo ng kri­men ang pagiging presidente nito sa asosasyon kung saan ang lupang kinatitirikan ng kanilang bahay ay pag-aari ng PNB at kanyang ipinag­lalaban.

Patuloy namang iniim­bestigahan ang krimen.