Bully na pedicab driver todas sa kapwa driver

DEDO ang 41-anyos na pedicab driver matapos pag­sasaksakin ng kapwa pedicab driver sa Malabon City, kaha­pon ng madaling-araw.

Dead-on-the-spot sanhi ng tinamong saksak sa tiyan si Roderick Depaz alyas Michael, ng Bgy. Concep­cion habang pinaghahanap ang suspek na si Benjie Claro, nasa hustong gulang.

Ayon kina PS/Sgt. Julius Mabasa at PS/Sgt. Richard Andrew Calaycay, naganap ang insidente alas-4:15 ng ma­daling-araw, nang pasukin ng suspek ang bahay ng bik­tima na armado ng patalim.

Sa pahayag ng anak ng biktima na si Marco, narinig niya ang kaguluhan kaya agad siyang bumaba at na­kita ang pananaksak ng suspek sa kanyang ama.

Nang tangkain nitong tulungan ang ama, tumakas ang suspek dala ang patalim.

Napag-alaman na palagi umanong binu-bully ng bik­tima ang suspek sa tuwing nalalasing habang inaalam pa ang tunay na motibo sa insi­dente.