Mister nakonsensiya, umamin | MISIS PINATAY SA SAKAL, INILIBING SA SILONG

MATAPOS ang halos isang linggong pag­­hahanap, natagpuan na ang ginang na iniulat na nawawala sa Pa­gadian, Zambo­anga del Sur.

Batay sa ulat, una nang nagpa-blotter sa pulisya ang mister ng biktima kaugnay sa pagkawala ng kanyang asawa. Gayunman, ito rin ang nag­turo kung na­saan ang bik­tima na isa nang naaagnas na bangkay.

Marso 22 nang huling makita ng mga kapitbahay ang biktimang si Teresita Chavez.

Bukod sa pagpapa-blot­ter, nag-post pa sa Facebook ng panawagan.

Pagkaraan ng halos isang linggo, mis­mong ang mister na si Nonoy ang nagsabi kung saan makikita ang kan­yang asawa.

Ayon sa mister, nag-away silang mag-asawa hang­gang sa masuntok niya ang bik­tima at nawalan ng malay.

Sinakal umano niya ito hanggang sa ma­matay saka inilibing sa silong ng bahay.

Kinumpirma naman ng kanilang kapit­bahay na nari­nig nila na nag-away ang mag-asawa bago nawala ang ginang.

Hinihinalang nakonsen­siya ang mister kaya inamin ang krimen. (BRT)