Grabe ang init, mga kandidato, ingat sa stroke!
BINIBITIN pa ang pambibisto sa mga adik at tulak na celebrities.
Baka nagpapataas pa sila ng presyo?
◘◘◘
UNFAIR sa mga pulitiko, dapat ibunyag din ang drug addicts na mga taga-showbiz.
Akala ko ba, pantay-pantay ang pagtrato sa drug personalities?
◘◘◘
HABANG pinagtatakpan at kinukunsinte ang mga taga-showbiz, hindi titigil ang mga ‘yan sa panghihiram ng “talento” sa droga.
Peke lang ang kanilang husay kasi “durog” sila habang nagsu-shooting o nagte-taping para sa kanilang programa!
◘◘◘
KUMPIRMADONG dumami nang todo ang mga Intsik sa Maynila.
Tiyakin ninyong hindi drug traffickers ang mga ‘yan!
◘◘◘
TODONG-TODO na ang init.
Maraming kandidato ang mai-stroke!
◘◘◘
PERA-PERA na lang ang eleksiyon sa maraming lugar.
Wasak na ang demokratikong proseso!
◘◘◘
ALAM nating lahat na nababoy na ang demokrasya sa Pilipinas.
Pero, walang bagong ideolohiya na maaaring ipalit dito!
◘◘◘
WALANG dapat sisihin kundi ang mismong mga botante.
Pero, ang mga botante ay mahirap ding sisihin kung nagbebenta man ng boto.
Kasi wala silang makain at hanapbuhay!
◘◘◘
ANG batayan ng panalo ay hindi kung sino ang pinakakuwalipikado o pinakamahusay.
Bagkus, ang mananalo ay kung sino ang mga pinakamaraming salapi na nagmula sa iligal na gawain!
◘◘◘
KUNG gayun, malinaw na immoral ang karaniwang nauupo sa gobyerno.
Maaari silang magwagi sa eleksiyon, pero ito ay hindi maituturing na wagas na tagumpay!
◘◘◘
WALANG linaw kung hanggang kailan mananatili o magiging grabe ang prosesong bumababoy sa demokrasya.
Kahit sino ang may hawak ng poder, magnanakaw lang ‘yan para makaipon ng pambili ng boto tuwing eleksiyon!
Comments