Feeling scared dahil sa pananakot ng dating bf na ama ng anak

Dear Roma,

Ako si Cams, 21 years old. May anak na kami ng boyfriend ko, pero nag­hiwalay kami dahil ilang ulit ko na siyang na­huling gumagamit ng iligal na droga tuwing umuuwi ako galing sa trabaho. Dagdag pa rito, 4 years old na ang anak namin at natata­kot akong kalakihan niyang nakikita ang kanyang ama na lu­long sa droga. Nata­takot din ako na baka du­mating ang araw na saktan niya kami ng anak namin. Tuluyan na akong naki­pag­hiwalay sa kanya at isinama ko ang anak na­min dahil hindi naman kami kasal. Palagi niya akong tinatakot na mag­papakamatay siya kung hindi ako makikipag­ba­likan sa kanya. Tinatakot din niya ako na itatakas niya ang anak namin. Ano ang dapat kong gawin? — Cams

Cams,

Bilib ako sa iyo, iha, dahil mahirap talagang pakisa­mahan ang taong lulong sa masamang bisyo. Huwag kang magpadala sa mga pamba-blackmail na gina­gawa sa iyo ng ex mo. Tama ang desisyon mo na iwanan siya dahil kung mahal ka ta­laga niya ay iiwan niya ang masamang bisyo niya. Huwag ka ring matakot sa sinasabi niyang kukunin niya sa iyo ang bata dahil nakasaad sa batas na sa ina mapupunta ang bata, lalo na kung wala pa ito sa wastong edad para mag­desisyon. Makabubuti rin kung hihingi ka ng pro­tek­siyon sa mga kinauuku­lan. Kaya mo ‘yan! God bless sa iyo at sa anak mo!