Tserman na lider ng gun-for-hire group, timbog

TIKLO ang barangay chairman matapos salakayin ng awtoridad ang kanyang bahay sa Bgy. San Agustin, Ibaan, Batangas.

Sa bisa ng search warrant na ipinalabas ng hukuman, hinalughog ng pulisya ang bahay ng suspek na si Emiliano Barte, kasalukuyang tserman ng naturang lugar.

Narekober sa kanyang pag-iingat ang 1 cal. 45 baril, 2 magazines ng cal. 45 at 32 bala.

Siya rin umano ang lider ng Barte Criminal Group na sangkot sa gun-for-hire at siya rin umano ang nagsusuplay ng mga armas sa nakaupong alkalde ng Bayan ng Ibaan, Batangas na isinangkot ng pangulo bilang isa sa mga narco-politician.