Biktima sinundan sa CR | HOLDAP SA SHANGRI-LA MALL

SA kulungan ang bagsak ng 42-anyos na lalaki ma­tapos ireklamo ng pangho­hol­dap umano sa loob ng isang mall (Shangri-La Plaza Mall) sa Barangay Wack-Wack, Mandaluyong City kamakalawa.

Sa imbestigasyon ng Man­daluyong City Police, bandang alas-4:00 ng hapon nang maganap ang insidente sa loob ng comfort room sa ikalimang palapag ng nasa­bing mall sa EDSA.

Sa salaysay ng biktimang si Kevin Ryan Ocampo, 26, nagtungo siya sa CR ng mall sa ikalimang palapag upang umihi nang sundan siya ng suspek na si Frede­rick Ga­cer, 42, saka nagdeklara ng holdap.

Puwersahan umanong kinuha ng suspek ang kan­yang wallet at nang maku­ha ang laman na P500 ay kas­wal lamang na umalis ang sus­pek at nagtungo sa unang palapag ng mall.

Hinabol naman ng bik­tima ang suspek at humingi ng tulong sa mga security guard ng mall, na nagresulta sa pagkakaaresto nito at pag­kabawi ng kanyang pera.

Kasong robbery hold-up ang kakaharapin ng suspek.