Ex-soldier natagpuang patay

PANGASINAN—Isang dating sundalo ng Philippine Army (PA) ang natagpuang patay sa taniman ng mais, kamakalawa sa Bgy. Angio, San Fabian sa lalawigang ito.

Nakilala ang biktima na si retired Army soldier Alberto Lumandas, nakatira sa naturang barangay.

Nabatid na ilang residente ang nakatagpo sa bangkay ng biktima na may mga malalaking sugat sa katawan sa nasabing lugar.

Ayon sa ulat, kilala na ng pulisya ang mga suspek at hindi muna sila pinangalanan hangga’t hindi nadarakip ng mga awtoridad.