City hall sa Germany binulabog ng bomb threat

INILIKAS ang mga empleyado ng ilang city hall sa Germany matapos makatanggap ng bomb threats.

Batay sa impormasyon, nakatanggap ng email ang mga city hall ng Augsburg, Kaiserlautern, Goettingen, Neunkirchen at Rendsburg.

Matapos ilikas ang mga empleyado, agad ininspeksiyon ng mga awtoridad ang lugar ngunit, walang natagpuang bomba.

Gayunman, hindi nakilala ang nagpadala ng bomb threat habang nagdulot ito ng matinding trapiko sa lugar.