Ulo, leeg, braso at kamay inilagay sa maleta, katawan, binti at paa sa washing machine | MISIS TSINA

BINALOT ng hilakbot ang mga re­sidente na nani­nirahan sa isang subdibis­yon sa Angeles City, Pampanga matapos madiskubre ang ‘chop-chop’ na katawan ng babae nitong Lunes ng gabi.

Mistulang kinatay na karne ng baboy ang hitsura ng pinagputul-putol na ba­hagi ng katawan na isinilid sa traveling bag at sa washing machine.

Ayon kay Lt. Col. Nar­win Mangune, ang kaanak mis­mo ang nakakilala sa biktima na si Lindsey Ave­li­no, 29-anyos.

Ang suspek na nasa li­kod ng karumal-dumal na kri­men ay ang kinakasama ng biktima na si Eduardo Pasion.

Sinabi ni Mangune na si Pasion ay napatay ng kan­­yang mga tauhan nang man­laban ito habang siya ay tak­dang aarestuhin sa Purok 2, Barangay Amsic.

Bago mapatay si Pasion, inamin muna umano mi­s­mo nito ang krimen sa kanyang amo sa mismong warehouse na kanyang pinagtatrabahu­han.

Gayunman, lingid sa ka­alaman ng suspek ay nagtu­ngo ang amo nito sa himpi­lan ng pulisya upang ipagbi­gay-alam sa kanila ang kri­men.

Sa follow-up operation ng mga awtoridad, nakita ang mga pinirasong katawan ng biktima, partikular ang ulo, leeg, braso at kamay sa isang itim na traveling bag habang ang katawan, binti at paa ay natagpuan naman sa loob ng washing machine na itina­pon sa bakanteng lote ng sub­dibisyon ganap na alas-7:00 ng gabi.

Sinasabi sa report ng SOCO Team na sumuri sa lugar, pinaniniwalaang nang­yari ang pag-chop-chop sa biktima madaling-araw ng Lunes.

Lumalabas sa imbesti­gas­yon na ang motibo sa brutal na pagpatay ay sa la­bis umanong pagseselos ng suspek dahil hinihinala ni­tong may lover ang kanyang kinakasama.

Narekober naman ng pulisya ang .9mm baril ng sus­pek na ginamit sa pa­ki­kipagbarilan sa mga awto­ridad.

Dati na umanong naipa­kulong ng biktima ang sus­pek dahil sa ginagawang pambubugbog nito sa kanya.