Kelot pinagtataga, dedbol

BRUTAL na kamatayan ang sinapit ng isang lalaki matapos pagtatagain sa katawan ng kanyang nakaalitan sa Bgy. Putingbuhangin, San Juan, Batangas.

Kinilala ang biktimang si Eldibrando Miral, habang ang suspek ay kinilalang si Ryan de Torres, kapwa naninirahan sa naturang lugar.

Batay sa imbestigasyon, alas-7:30 ng umaga, biglang sinugod ng suspek ang biktima nang huminto ang motorsiklo nito.

Pinagtataga ni Torres sa iba’t ibang parte ng katawan ang biktima hanggang sa tuluyan itong namatay.

Tumakas ang suspek sa hindi malamang direksiyon

Napag-alaman na dati nang may namuong alitan sa pagitan ng dalawa kaya inunahan ito ng suspek.