FIL-AM AT LOCAL TRACKSTERS, HAHASAIN PA PARA SA SEAG

UMALIS ang Southeast Asian Games-bound athletes sa pangunguna ni Brazil Olympian at London World Athletics veteran Filipino-American Eric Shawn Cray kahapon para su­mali sa prestigious Singapore Open Athletics Championship na aarangkada sa Marso 28 kung saan makikipagsa­bayan ang mga Pinoy sa mga bigatin galing sa 20 bansa.

“The event will determine their competitiveness in the SEA Games since they are facing athletes in Asia and other invited competitors outside Southeast Asia. The event will gauge their competiveness and winning capability of the athletes in the SEA Games,” sabi ni PATAFA president Philip E. Juico.

Sa masusing gabay ni American coach Rohsaan Griffin, makikipagsabayan ang mga Pinoy sa mga kala­ban na lahat inspiradong ma­nalo sa kanilang paboritong events. Tatakbo si Cray sa 400m na kanyang dinomina sa Asian Athletics sa Bu­banishar, India.

Ayon sa 29 anyos na Fil-Am, gagawin niya ang lahat upang mabig­yang muli ng karangalan ang ‘Pinas tulad ng ginawa niya sa 2015 SEAG sa Singapore na nanalo sa 100m at 200m at tanghaling “King of Sprint” at sa 2017 edition sa Malaysia. Kasama ni Cray si kap­wa Fil-Am Kristina Knott, Mark Harry Diones, Anfer­nee Lopena, Jomar Udtohan, Clinton Kingsley Bautista, Janry Ubas, Ed­gardo Alejan, Archand Bag­sit, Marco Vilog, Francis Medina, Ronne Malipay, Albert Man­tua, Melvin Cala­no, Joyme Sequita, Marestella Torres-Sunang, Evalyn Palabrica at Daniella Day­nata.

Ang athletics ang pina­katampok na laro sa 56 sports na may 42 events sa men at women. Ang torneo ay may basbas ng Asian Athletics Association at International Association of Athletics Federation.