Drug den ni-raid, 11 huli

TIMBOG ang 11 hini­hinalang sangkot sa iligal na droga sa isinagawang buy-bust operation na nagresulta sa pagkakabuwag ng si­nasabing drug den sa Valen­zuela City, kamakalawa ng hapon.

Ayon kay Valenzuela Po­lice Chief Sr. Supt. David Nicolas Poklay, alas-12:30 ng tanghali nang ikasa ng mga operatiba ng SDEU sa ilalim ng pangangasiwa ni PCI Jowilouie Bilaro ang buy-bust operation kontra kina Shirley Morales, 44; Sal­vador Bajaro, 49, at Michael Quizon, 37, sa Sia Compd., Lamesa St., Bgy. Ugong ma­tapos ang natang­gap na ulat ng pulisya hinggil sa pag­bebenta ng mga ito ng ili­gal na droga sa naturang lugar.

Matapos iabot ng mga suspek ang sachet ng shabu kay PO1 Dumaquita na nag­panggap na poseur-buyer kapalit ng P300 marked mo­ney, agad lumusob ang back-up na mga operatiba saka si­nunggaban ang tatlo.

Narekober sa mga sus­pek ang apat pang sachets na naglalaman ng hinihina­lang shabu at buy-bust mo­ney.

Habang inaresto rin sina Sonia Dangilan, 45; Cezar­son de Chavez, 33; Dinnes Limsia, 23; Reynald Tibal­cia, 19; Mark Dave Alvaro, 21; Aaran Jhan Sia, 19; Christian Jorge Candela, 27, at Richard dela Cruz, 22, matapos ma­aktuhang sumi­singhot ng shabu sa loob ng bahay ng mag-live-in part­ner na sina Bajaro at Dangi­lan sa natu­rang lugar na umano’y gi­nagawang drug den.

Ani SPO4 Armin Garcia, narekober sa lugar ang isang sachet ng hinihinalang sha­bu, ilang drug parapher­nalias at sachet ng shabu na naku­ha kay De Chavez.