Biglang hinablot sa tiyahin | LALAKI TIMBOG SA PAGDUKOT SA 2-ANYOS

KALABOSO ang isang lalaki matapos tangkaing ta­ngayin ang 2-anyos na ba­bae sa Navotas City kama­ka­lawa ng gabi.

Kinilala ni Navotas Po­lice Chief Sr. Supt. Rolando Balasabas ang naarestong suspek na si Atoy Reyes, 27, ng Malabon City.

Ayon sa ulat, alas-9:00 ng gabi, kasama ng kanyang tiyahin na si Angelica Leo­na, 23, ang 2-anyos na bik­tima sa harap ng Navotas Amphitheater sa C-4 Road nang bigla na lamang lapi­tan ng suspek at sapilitang hi­nablot ang bata saka tinangay papalayo sa tiyahin nito.

Nasaksihan ang insidente ni Mary Jane Satur, 19, ng Bgy. North Bay Boulevard North (NBBN) na agad hu­mingi ng tulong kasama ang ama ng bata sa mga baran­gay tanod.

Hinabol ng mga baran­gay tanod ang suspek hang­gang sa makorner at ma­ares­to sa loob ng pampa­sa­herong jeep habang nabawi naman at naibalik sa kanyang pa­milya ang biktima.

Ani Sr. Supt. Balasabas, nagbaliw-baliwan pa ang sus­pek upang hindi masam­pahan ng kaso.