5 seconds rule, drinking in public water fountain, touching your face etc... MGA BAGAY NA NAKASANAYA

MULA sa paggamit ng antibacterial products hanggang sa regular na pag-inom ng vitamins at supplements — ilan la­mang ito sa mga bagay na nakasanayan na nating ga­win dahil sa paniniwa­lang nakatutulong ito upang hindi tayo basta-bastang dapuan ng sakit. Pero, ayon sa mga eks­perto, imbes na maka­tu­long ang mga nakasana­yan nating ito ay maaari pa itong makapagpataas ng tsansa na makakuha tayo ng iba’t ibang sakit. Hala!

1. 5 SECONDS RULE. Marami ang naniniwala rito dahil hindi pa umano ma­rumi ang pagkain sa loob ng limang segundo mula nang mahulog ito. Pero, ayon sa mga eksperto, hindi ito ma­gandang makasanayan, lalo na kung ang pagkain ay direktang nahulog sa sahig. Gayundin, mas mataas uma­no ang tsansa na makain ang bakterya mula sa sahig. Eww!

2. TAKING TOO MANY VITAMINS & SUPPLEMENTS. Baga­ma’t, mabuting uminom ng vitamins at supplements, ang labis na pag-inom nito ay maaari umanong mag­dulot ng pangmatagalang epekto sa ating katawan. Dahil dito, inirerekomenda ng mga eksperto na bago uminom ng regular na mga vitamin at supplement, ma­buting hingin ang opinyon ng doktor dahil sila ang na­kaaalam ng dosage na ka­kailanganin mo kada araw.

3. WASHING WITH ANTIBACTERIAL SOAP. Ang paggamit ng antibacterial soap ay ma­ganda kung ikaw ay nasa ‘germy environment’ o may mahinang immune system. Mayroon umanong 500 uri ng good bacteria na nagko-contribute sa immune de­fenses. Ngunit, ang regular na paggamit ng antibacte­rial soap ay nagpapababa ng vi­tal immune safety net kung saan ito ang nagpa­pa­taas ng tsansa na makakuha ng sakit ang indibidwal.

4. DRINKING OUT OF PUBLIC DRINKING FOUNTAINS. Hindi natin maitatangging malaki ang tulong na naibibigay ng pub­lic drinking fountains sa mga pasyalan, paaralan at iba pa. Pero, sey ng experts, may dis­advantages din ito kung hindi ito nagagamit nang tama dahil malaki ang po­sibilidad na maipasa sa iba ang virus mula sa ibang in­dibidwal na direktang umi­inom mula rito.

Gayunman, inirereko­menda ng mga eks­perto ang pagdadala ng reu­sable bottle na may tubig upang du’n na lamang umi­nom.

5. TOUCHING YOUR FACE. Ayon sa mga eks­per­to, ang paghawak sa muk­ha ay nakapagpapataas ng tsan­sa na mailipat ang germs sa ilong at bibig. Ga­yundin, ito umano ang pa­ngunahing pa­raan para ma­kapasok sa katawan ang mga germs. Inirereko­menda ng mga eksperto na kaagad maghugas ng mga kamay pagka­tapos humawak sa cell­phone, doorknob, key­board at pera upang mai­wasan ang pagkalat ng bak­terya sa ka­tawan.

For sure, ilan sa mga ga­waing nabanggit ay gina­gawa natin paminsan-min­san, lalo na ‘yung 5 seconds rule.

Uy, aminin! Ha-ha-ha! Kidding aside, upang maka­iwas sa sakit, siguraduhing babawasan ang madalas na paggawa ng mga nabanggit na gawain.

Okie?