Pulis pinagbabaril ng riding-in-tandem, dedo

DEDO ang isang pulis matapos pagbabarilin ng hindi kilalang suspek habang ang biktima ay namamahala sa kanilang tindahan sa Ca­loocan City, kamakalawa ng hapon.

Dead-on-arrival sa Que­zon City General Hospital sanhi ng mga tinamong tama ng bala sa katawan si PO2 Cris Rob­ert Castro, 31, nakata­laga sa Caloocan City Police at re­sidente ng Bgy. 175. Batay sa ulat, alas-4:30 ng hapon, nasa loob ng ka­nilang sari-sari store ang bik­tima nang dumating ang mo­torsiklo sakay ang dala­wang hindi kilalang suspek.

Bumaba ang isa sa mga ito at nagpanggap na kus­tomer saka pinagbabaril sa katawan ang biktima bago nagsitakas ang mga suspek.

Agad namang isinugod ng kanyang mga kaanak ang biktima sa naturang paga­mutan habang patuloy ang follow-up investigation sa posibleng pagkakakilanlan at pagkakaaresto sa mga sus­pek.

Inaalam na rin ng mga pulis ang motibo sa pama­ma­ril sa biktima.