Plataporma ng mga kandidato, pare-pareho, nakatotorete!

KA AMBO / BISTADO

LAHAT ng kandidato ay halos pare-pareho ang plataporma.

Kontra sila sa ko­rup­siyon at kriminali­dad; tulong sa kalusugan ng mamamayan, tulong sa mga obrero, magsasaka at iba pa.

Nakatotorete na ang kampanya!

◘◘◘

NAKATUON lang sa national government ang responsibilidad, pero mas malaki ang ginagampanang papel ng Local Government Units (LGUs) sa ka­ayusan ng lahat.

Kapag korup ang national agencies, marami ring LGUs ang korup!

◘◘◘

NATUTUWA tayo sa sinimulan ni dating DILG Secretary Jesse Robredo (SLN) na pag­kaka­loob ng ‘seal of good governance’ sa LGUs, pero pinagdudu­da­han na rin ang kredibilidad nito.

Kasi maraming LGUs ang mayroong kaduda-dudang transaksiyong-pinansiyal, pero napag­kalooban ng naturang “selyo” ng kaayusan.

Magkano kaya?

◘◘◘

SA totoo lang, transparency ang mas ta­mang sistema upang mawala ang korupsiyon.

Dapat iulat sa ta­um­bayan ang espesi­pikong transaksiyon ng LGUs!

◘◘◘

KARANIWANG target ng korupsiyon ang general fund at special educational fund na pinangangasiwaan ng school board.

Wala itong pagkaka­iba sa “road board” na binuwag ni Pangulong Rodrigo Duterte.

Kaduda-duda pa rin ang mga transak­si­yon ng school board dahil ang may kontrol din nito ay ang LGU executives!

◘◘◘

ISANG halimbawa rito ang hindi malinaw na gugugulin ng Lung­sod ng Malabon kung saan ibinunyag mismo ng Commission on Audit (COA) na dispaling­hado ang iginugol noong 2012.

Nakalaan lang da­pat ang special education fund (SEF) na halos isang bilyong piso para sa operas­yon ng public school, pero pinakiala­man ito!

◘◘◘

GINAMIT kasi ang SEF sa suweldo ng mga guro na dapat nagmu­mula sa taunang general fund.

Pero, sa kabila nito, minarkahan pa rin umano ng “seal” ng DILG ang natu­rang transaksiyon!

◘◘◘

KUNG iingatan lang ng COA ang gugugulin sa mga LGU, trilyun-trilyong piso ang masa­sagip sa korupsiyon.

Dapat bigyan ng dagdag-kapangyari­han ang COA na ma­ipatupad ang tamang regulasyon!

◘◘◘

MARAMI ring cash advance ang hindi naili-liquidate sa city hall, pero kinukunsinte ito ng mga government auditor.

Dapat magkaroon ng mahigpit na batas kaug­nay sa “cash advances” at dapat ma­sus­pinde o matanggal sa puwesto ang mga gumastos ng pondo ng bayan nang “walang maayos na resibo o dokumento!

◘◘◘

WALANG maayos na transaction records ang disbursement at collections mula Hulyo hanggang Disyembre noong 2012 sa Mala­bon.

Dapat itong ipali­wanag ng city executives at ilagay sa mga dokumento para mai­balanse ang halos P1 bilyong transaksiyon sa naturang panahon!

◘◘◘

SINASABING magulo rin ang records ng physical count sa property, plant and equipment sa Malabon sa naturang taon.

Mahalagang maka­­pagbigay ng paliwanag dito ang mga kinauuku­lan pa­ra makalmante ang mamamayan!

◘◘◘

INABISO na ang pagkatuyot ng Angat Dam sa katapusan ng Abril.

Nananakot na na­man kayo!

◘◘◘

MALABO raw ang cloud seeding.

Hindi raw ito puwe­de kapag walang ulap.

Ngek!

◘◘◘

GAGASTOS ng milyun-milyong piso sa cloud seeding, pero ang ulan ay maaaring bumagsak sa Vietnam.

He-he-he!

◘◘◘

IMBES na mangga­ling ang tubig mula sa kalawakan, bakit hindi magbaon ng deepwell sa mga lugar na tatamaan ng tagtuyot?

Simpleng solusyon lang ‘yan, pero hindi ginagawa!