Batang tuwang-tuwa sa apoy

Socrates Magnus

Salaminin natin ang panaginip ni Reziel ng Reziel_Labarenio@face-book.com

Dear Professor,

Nanaginip ako tungkol sa bata na nasa edad 3 ha­ng­gang 4, inilagay ko raw siya sa apoy at sabi ko, ri­yan ka lang tutal hindi ka naman masusunog, pero ‘yung bata ay relaks na relaks lang na naka­patong sa apoy.

Sana, masagot ninyo ito.

Salamat!

Naghihintay,

Reziel

Sa iyo Reziel,

Ang bata na 3 to 4 years old sa panaginip mo ay ikaw mismo. Ibig sabihin, inilala­rawan ng bata ang iyong sa­rili.

Pero, bakit ka nasa apoy? Ito ay dahil makararanas ka ng tinatawag na baptismal by fire kung saan ang tao ay su­subukan kung siya ba ay ma­ta­­tag, matibay at may ma­la­kas na tiwala sa kanyang sarili.

Ang payo ng panaginip mo, kapag napalaban ka sa matitinding pagsubok sa bu­hay ay “stay calm, just relax.”

Dahil hindi dapat mag-panic ang tao sa anumang sitwasyon na kanyang kina­haharap, lalo na kung ang mga ito ay mabibigat na pu­wedeng sumira sa kanyang buhay o kapalaran.

Sabi rin ng iyong pana­ginip, tularan mo ang bata na walang kinatatakutan dahil ang bata, kaya lang naman, may kinatatakutan ay dahil tinatakot ng matatanda.

Halimbawa, sasabihin nilang may multo, aswang at kung anu-ano pa ang ipi­nasok sa isip ng bata ng ma­tatanda na sa kanyang pag­laki ay nakaaapekto sa kan­yang personalidad na ma­kikitang siya ay duwag at na­tatakot na harapin ang mga hamon ng kapalaran.

Muli, “stay calm, just re­lax and don’t worry” sa mga pagsubok na iyong makaha­harap.

Hanggang sa muli, Professor Seigusmundo del Mundo