9-BALL LINE-UP PLAYERS PA-SEAG KUMPLETO NA

KUMPLETO na ang 9-ball line-up ng Pilipinas sa 2019 Southeast Asian Games kung saan tatayong punong-abala ang bansa matapos na makuha nina Dennis “Robocop” Orcullo at Warren “The Warrior” Kiamco ang dalawang upuan sa koponan.

Sa isang qualifying tour­ney, nangibabaw si Orcullo sa winner’s bracket saman­talang si Kiamco ang uma­ngat sa one loss-side kaya nakuha ng dalawa ang ka­rapatang magsuot ng Philip­pine tri-colors sa biennial event.

Hindi basta-basta ang sinagasaan ng dalawa patu­ngo sa paghablot ng upuan sa national team. Nariyan din ang mga alamat na sina Francisco “Django” Busta­mante at Efren “Bata” Re­yes, 2018 world 9-Ball cham­pionships bridesmaid Carlo “The Black Tiger” Biado at two-time All Japan Open king Johann Chua.

Sariwa si Orcullo sa pagdaig kay Biado sa isang maigting na tatlong araw na duwelo sa palaruan ng Hust­ler sa Quezon City.

Nauna rito, swak sa pam­bansang koponan sa women’s side ang mga ba­tikang sina Rubilen Amit at Chezka Centeno.

Sa nakalipas na mga edis­yon ng SEAG, sa dalawa lang napupunta ang billiards gold bagamat noong 2015 at 2017, si Centeno ang nag­kam­peon habang si Amit ang nakapag-uwi ng runner-up honors.

Ang susunod na pupun­tiryahin ng mga malulupit na manunumbok ng bansa ay ang dalawang upuan para sa larangan ng 10-Ball.

Samantala, naitakbo ni Alex “The Lion” Pagulayan ang korona ng 2019 Scotty Townsend Memorial sa la­rangan ng 9-Ball at ng One Pocket. Tila nagiging pala­ruan na ng dating world champion na tubong Isabela ang pagkopo ng dalawang korona sa torneo. Noong 2018 ay ganito rin ang naging resulta sa paligsahang gina­ganap sa Los Angeles.