Kawatan sa MRT, tiklo

ARESTADO ang isang lalaki matapos mandukot sa loob mismo ng MRT-Ortigas Station sakop ng Bgy. Wack-Wack, Mandaluyong City, kamakalawa ng hapon.

Sa inisyal na imbestigasyon ng Mandaluyong City Police, kapwa nakasakay umano sa tren ang suspek na kinilalang si Renante Sol, 30, at ang biktimang si Christopher Marzan, 20.

Pagdating umano sa Ortigas Station, binangga ng suspek ang biktima at nakuha ang iPhone 6 plus nito na nagkakahalaga umano ng P50,000 na nakalagay sa kanang bulsa ng kanyang short. Nakaramdam naman ang biktima at hinabol ang suspek kaya nahulog ang kinuhang cellphone.

Humingi naman ng tulong ang biktima sa security guard ng MRT, na siya namang nagdala sa suspek sa himpilan ng pulisya.