Binaril ng riding-in-tandem sa tapat ng bahay | EXECUTIVE ASSISTANT NI BINAY, PUMANAW NA

HINDI na naisalba pa ang buhay ng executive sec­retary ni dating Makati City Mayor Jejomar Erwin ‘Jun­jun’ Binay, Jr. na nilapatan ng lunas matapos itong ba­rilin ng isa sa riding-in-tan­dem sa harapan ng kanyang bahay, Huwebes ng gabi sa Makati City.

Kinumpirma ito ni da­ting Mayor Junjun sa kan­yang Facebook post at sina­bing namatay nitong alas-11:12 Biyernes ng gabi ha­bang nilalapatan ng lunas sa Makati Medical Center ang executive assistant ni­tong si Monaliza ‘Monette’ Ber­nardo y Silverio, 44, ng Bgy. Olympia, Makati City, sanhi ng tama ng bala sa kanang kamay na tumagos sa tiyan.

Naglaan naman si da­ting Vice-President Jejomar Binay ng P1 milyong pa­buya sa makapagtuturo o maka­pagbibigay ng impor­masyon para sa ikadarakip ng mga suspek.