BAROMETRO PARA SA SEAG ATHLETES ANG PHL SUPER LEAGUE TABLE TENNIS

MAGTUTUNGGALI ang mga pinakamahuhusay na table netters sa bansa sa paghataw ng Philippine Su­per League Grand Prix Table Tennis Championship sa Marso 27-31 sa Lyceum of the Philippines sa Batan­gas City.

Ayon sa nag-organisang Philippine Table Tennis Fe­deration Inc. (PTTFI) na pi­na­mumunuan ni President Ting Ledesma, ang naturang hatawan at tinagurian ding National Selection 2019 kung saan ay pipiliin dito ang pinakamagagaling na 5 para sa men’s slot gayundin sa distaff side.

Makikipagbakbakan ang mga naging top three men and women sa mga idinaos na Super Leagues na humataw sa buong kapuluan bago ang Batangas City selection na barometro para sa national team na sasabak sa 30th Southeast Asian Games sa Nobyembre ng taong kasalukuyan.

Naimbitahang panauhin sa pambungad na sere­monya sina Batangas Rep. Vilma Santos, Philippine Olympic Committee presi­dent Rickie Vargas at Philip­pine Sports Commission Chairman William Ramirez. (MC)