Babaeng nalilito sa pagitan ng susuko na o lalaban pa

Dear Roma,

Jazelyn ang pangalan ko, 29 years old. Hindi ko alam ang gagawin ko sa buhay ko ngayon dahil nalilito ako kung susuko o lalaban pa ba ako sa buhay? Nalaman ko ka­sing may malala akong sakit, kaya lang ako ang bread winner sa pamilya namin hindi ko ka­yang iwanan ang aking mga kapatid nang basta-basta na lang dahil nag-aaral pa sila. Sana, ma­payuhan ninyo ako kung ano ang dapat kong gawin? Ma­raming sala­mat! — Ja­zelyn

Jazelyn,

Nakalulungkot ang pinagdaraanan mo, sis, pero hindi porke may sa­kit ka, eh, ititigil mo na ang pamumuhay nang masaya. Ang maipapayo namin sa iyo ay ang ma­ging matatag ka at ga­win mong lakas ang iyong pamilya upang malaba­nan mo ang iyong nara­ramdaman. ‘Ika nga nila, hangga’t may buhay, may pag-asa, kaya bakit susuko ka na kaagad? Kaya mo ‘yan! Nani­niwala kami na ma­la­lagpasan mo ang pag­subok na kinahaharap mo ngayon. God bless you!