Babala ng experts... LIP BITING, SINTOMAS NG DISORDER!

Donna Thea Topacio / Gulat ka 'noh?!

LAHAT ng tao ay may mannerisms, ‘yung iba nail biting, pagpa­patunog ng mga daliri, facial expression at ma­rami pang iba. Pero, madalas napapansin natin na may mga in­dibidwal na mahilig kagatin ang kanilang mga labi kung saan ito umano ay maituturing ng disorder.

Hala! Weh ‘di, nga?

Ayon sa mga eksperto, min­san ang nagiging dahilan ng pagli-lip bite ay ang pama­ma­raan ng pagsasalita o pagnguya, pero kung ito ay madalas na ninyong ginagawa ng hindi ninyo na­ko­kontrol, posible na isa na itong dis­order.

Sa pag-aaral ng mga dalubhasa, ti­natawag umanong temporomandibu­­lar disorder o TMD ang condi­tion na nakaaapekto sa chewing muscles.

Ang mga taong mayroong TMD ay madalas na kinakagat ang kanilang mga labi, pisngi at dila.

Ang kondisyong ito ay ma­a­agapan sa pamamagitan ng iba’t ibang rekomendasyon ng mga doktor.

Gayunman, ang lip biting ay may koneksiyon din sa psy­cho­logical well-being kung saan ginagawa ang mga ito nang dahil sa painful emotions.

‘Yung tipong kapag may sakit na nararamdaman o kaya ay kinakabahan at naga­galit ang tao ay nagagawa niya ang mga bagay na ito.

Dagdag pa rito, ang chro­nic lip biting ay halimbawa ng body-focused repetitive beha­vior o BFRB.

Kaya ang paalala ng mga dalubhasa, huwag magpakam­pante sa mga bagay na nakasa­nayan na hindi na pala nakabu­buti sa ating kalusugan.

Mainam kung magpapa­konsulta o magtatanong tayo sa mga taong nakapag-aral tung­kol sa partikular na pinagdara­anan natin dahil kapag napa­bayaan natin ito, maaari itong mag­resulta ng hindi maganda.

Oh, ayan, mga beshy, watch out sa inyong mga mannerism dahil baka hindi na ito simple at kinakailangan na ninyong mag­pagamot sa mga doktor.

Be mindful always!

Copy?