9 sasakyan inararo | BEBOT PISAK SA KILLER TRUCK

SIYAM na sasakyan ang inararo ng trak kung saan isa ang nasawi matapos tumilapon mula sa tricycle sa Bgy. Tambo, Lipa City, Batangas.

Pasado alas-9:00 ng umaga, mabilis umano ang takbo ng cargo truck na minamaneho ni Dindo Organo.

Aniya, pabulusok ang kanyang sasakyan nang mawalan ng preno dahilan para mabangga ang siyam na sasakyan kabilang ang tricycle kung saan sakay ang biktimang si Joselyn Aguila, na tumilapon hanggang sa magulungan ng trak saka pa siya pumailalim.

Dead-on-the-spot ang biktima dahil sa tinamong matinding pinsala sa ulo at iba’t ibang parte ng kanyang katawan. Sumuko naman sa pulisya ang driver nito matapos ang malagim na trahedya.